في الربع الأخير من ٢٠١٦ تقريباً
شركة كلمتني بخصوص وظيفة مونتير
لقناة فضائية إنجليزية
ليهم وكيل في مدينة نصر و أنا عايش في الغردقة.
طلبوا اني أسافر أعمل انترفيو في وقت
كنت بمر بظروف مادية قاتلة محدش
يعرفها غير الناس القريبين مني جداً
ففكرة اني أصرف فلوس مواصلات
للقاهرة و اني أروح أعمل مقابلة كان قرار
فيه تضحية بآخر فلوس موجودة للبيت
يصرف منها.
فعلاً سافرت و روحت أعمل انترفيو في
ميعادي و اللي كان الساعة أربعة بعد
العصر على ما أتذكر.
استقبلني موظف استقبال و
عرفته بنفسي و اداني أبليكشن أملاه و ده
طبيعي.
اللي مش طبيعي اني انتظرت وقت كبير و مفيش حد فعلياً بيعمل انترفيو غيري
كمان اتعملي امتحان انجليزي و قلت
ماشي و فوجئت بامتحان اختبار الذكاء😂.
أول ما شفته أخدت القرار ان ده مش المكان المناسب ليا فوراً.
حليتIQفي دقيقتين تقريباً بدون تفكير
تماماً علشان الجماعة يقولولي شكراً.
الغريبة انهم قالولي هنبدأ الانترفيو دلوقت😂.
الصدفة ان رئيس مجلس الإدارة طلع أخ صديقة عزيزة من الغردقة و تعرف
مهاراتي و خبراتي كويس و وجودي في
الانترفيو ده كان مجرد صدفة و عرفت ده منه هو شخصياً و انا بعرض عليه أول فيلم قصير عملناه في الغردقة بكاميرات عادية و بدون أي انتاج حقيقي.
شاف سابقة أعمالي و سألته على شوية
تفاصيل و كان الموضوع مبشر بقبولي للوظيفة.
الراجل كان قمة في الاحترام جداً و ردودي
عليه كانت صريحة وواضحة بدون ما أزود
حاجة مش فيا و بدون ماأنكر حاجة فيا بس طلبت راتب أنا متأكد انه هيرفضه
بذوق لأني كنت دارس القناة دي كويس
قبل ما أسافر و سائل متوسط المرتبات في
انجلترا للمهنة دي كام و طلبت نص
الراتب علشان الهدف الأساسي ليهم طبعاً
كان توفير الانتاج بس كنت فاهم ان
الشركة مش هتوافق لانهم عاوزين يكسبوا أكتر.
وانا ماشي مقدرتش أمشي من غير ما أقول ان اختبار الذكاء فيه اهانة للمتقدم للوظيفة عموماً و هم اعتذروا جداً عنه و المدير بلغني انه كان لحد تاني في وظيفة تانية😂.
الحقيقة مش مقتنع لغاية انهاردة بده بس
اللي متأكد منه انهم شركة بتقدم خدمات للشركات التانية منها الHRوده اللي متعودين عليه.
الشاهد في القصة:
لو هتوظف حد في المجال الإبداعي بلاش
جو الموارد البشرية التقليدية انت مش
بتوظف محاسب و لا مبيعات و لا حتى أي تي.
اختبار الذكاء للمصمم أو باقي المهن
الابداعية هو حركة مهينة جداً بلاش منها
لأنك كدة كأنك بتختبر السمكة في تسلق
الأشجار.
تحديث للي بيسأل على نهاية القصة😂
الراتب اللي طلبته مكانش مناسب
لميزانيتهم.
و بعدها بأيام سافرت السعودية
su_box title=”نبذة عن محمد صلاح” box_color=”#2bbbd8″ title_color=”#0e1752″]محمد صلاح يعمل ك. أرت دايركتور متخصص في إستراتيجيات العلامات و الهويات التجارية و إستراتيجيات التصميم و الحملات الإبداعية و الإعلانية بكالوريوس فنون جميلة مواليد 1987 ميلادية مسقط رأسي مدينة البداري بمحافظة أسيوط و مقيم بمدينة الغردقة محافظة البحر الأحمر و حياتي بين مصر و السعودية.بدايتي في المجال أثناء الدراسة في 2006 و قبل ذلك كانت مجرد هواية[/su_box]
شكر خاص للزميل محمد صلاح على هذا المجهود الرائع.
يمكنكم متابعتة من خلال:
