ازى احدد سعر التصميم ؟؟ $
ازاى اسعر شغل تصميمات ؟؟
مشكلة ازلية موجوده فى مجال التصميم الجرافيكى .. وخصوصا شغل الدعايا والاعلان
وفى المقال ده ان شاء الله هنتعرف على الفكرة الاساسية فى تحديد سعر التصميم سؤاء كنت مصمم محترف او عميل طالب شغل .
مبدايا خلينا نتفق ان التصميم ده فن .. والفن اذواق ^_^
يعنى ممكن تصميم فى نظرك عادى وفى نظر حد تانى شئ خيالى .. وده بيرجع للغرض منه وبراعه المصمم .. تمام ^_^
كعميل طالب شغل .. ازاى احدد سعره ؟؟
امممممممم بص هو علشان تحدد سعر شغل تصميمات لازم الاول تعرف وتفهم ازاى المصمم بسعر شغله ^_^
طيب ازاى المصمم بيحدد سعره ؟؟
زى ما اتفقنا التصميم ده فن يعنى لو حبيت تعرف سعر التصميم بالظبط فده شيئ صعب لانه حاجة نسبية هتختلف من شخص لاخر تبعا لاختلاف الازواق ^_^
ولذلك فاحنا هنحاول مع بعض نحصر ونجيب اقرب رقم لسعر التصميم الحقيقى
من الطرق اللى المصممين ممكن يستخدموها فى تحديد اسعار شغلهم :
– اولا : يضع سعر التصميم برقم مضروب فى عدد ساعات العمل .. يعنى مثلا لو اشتغل ساعتين والساعة 50 دولار يبقى التصميم ب 100 دولار .. وهكذا ^_^
– ثانيا : يضع سعر التصميم فى رنج ارقام .. يعنى مثلا سعر اى شغل بيعمله بتراوح ما بين 100 الى 500 دولار وهو هيحدد السعر على حسب تقدير مجهوده فى الشغل فى نطاق الرنج اللى هو حاطه ^_^
– ثالثا : يحط لكل نوع من التصميمات سعر محدد وليكن مثلا ( الكارت الشخصى 20 دولار , الاعلان 50 دولار , الهوية 250 دولار … الخ ) وده نادر شوية
– رابعا : بعض المصممين بيشتغلو ” بمرتب ” فى الشهر .. يعنى يتفق على مبلغ شهرى وبعد كده يعمل ليك الشغل زى ما تحب ^_^ ولكن النوع بيكون فى قيود كتيرة على المصمم .. او هيبقى التكلفة كبيرة جدا على العميل ^_^
وفيه طرق تانية كمان …
طيب دلوقت عمالين نقول ارقام فرضية .. ازاى احدد سعر التصميم بالظبط ؟؟
امممممم واضح جدا انك نسيت ان التصميم فى الاساس فن ^_^
وعلشان كده دايما هتلاقى التضارب فى الاسعار بين المصمممين مختلف جدا بسبب عده عوامل .. هذكر بعضها :
– درجة شهرة وانتشار المصمم
– حقيبه اعمال المصمم السابقة
– عدد سنوات الخبرة لدى المصمم
– درجة رضا المصمم عن شغله
– فترة العمل على المشروع
وحاجات تانية كتير متضاربة بشكل كبير جدا بين كل مصمم واخر وعمرها ما هتقرب من بعضعا ابدا لان ده سوق فنى ابداعى مفتوح
ولذلك يلجا المصممين لما يسمى ” الميزة التنافسية ” واللى هيا تميزه عن غيره زى ( السعر , الوقت , الحقيبة السابقة للاعمال , الانتشار والشهرة , الخبره , العلاقات , العروض .. الخ )
وديه مجموعة خطوات بسيطة لاختيار مصمم محترف بافضل سعر مناسب ليك 😍😍
1- اعمل اعلان عن مشروعك واعرضه على مصمميم مختلفين
2- تبين وافحص حقيبه الاعمال السابقة لكل مصمم واختار افضل 6 مصممين مثلا
3- جمع عرض اسعار من كل مصمم واختار من ال3 الارخص اذا كنت تريد التوفير .. واختار من 3 الافضل اذا كنت تريد الضمان و الجودة .
4- اتفق مع المصمم على السعر والشروط قبل البدا بالعمل معاه
5- ابدا العمل .. واعلطى لنفسك وللمصمم حق تقيم العمل فى النهاية ^_^
..
..
اتمنى اكون اوجزت وافدت
اعداد وكتابة : ايمن النجار
