“Gestalt Theory”
نظريات التصميم كتير ومهمة جدا لاخراج تصميم احترافى ومتكامل بدون عيوب وفى المقال ده هنتكلم عن نظرية “Gestalt”
وديه نظرية تقدر بيها تخلى التصميم بتاعك مندمج ومتماسك مع بعضه.
في عام 1920.. وضعت مجموعة من علماء النفس في ألمانيا سلسلة من نظريات الإدراك البصري -“مبادئ الجستالت”- أو نظرية “جيستالت”، بشهرتها واللى كانت بتشكل أساس العديد من قواعد التصميم اللى بنتبعها الايام ديه.
وده كان سبب رئيسى للمصممين انهم يتعلمو مبادئ النظرية ديه ,ولانك لو قدرت تفهم اللى بيقولوه عن كيفية ادراكنا للاشياء البصرية وترتيبها ,هتقدر تعمل تصميم متماسك ويرتبط بشكل افضل مع جمهورك
طيب ايه هيا “Gestalt Theory” ؟
كلمة “Gestalt” معناها _متفق وموحد كله_ وهو وسيلة جيدة لوصف الموضوع الشامل وراء مبادئ الجستالت , واللى بتشير الى الطريقة اللى البشر بينظرو بيها الى مجموعة من الاشياء , وهى النظرة العامة الى الكل ثم النظر الى الاجزاء الفردية .واذا انت جمعت عناصر التصميم معا فى ترتيب مرئى باستخدام احد المبادئ اللى هنوضحها … , فده هيعطى شعور ان التصميم اكثر ارتباطا وتماسك .
المبادئ ال 6 لل “Gestalt Theory”
GESTALT PRINCIPLES
- Similarity
- Continuation
- Closure
- Proximity
- Figure/Ground
- Symmetry and order
طبعا مبادئ جيستالت مش 6 بس ولكنها كتيرة ومختلفة وهى موجوده فى كتاب Arnheim’s book (لمن يريد القراءة .. وهى أفضل طريقة لفهم جيستالت ) ولكن تم تلخيصهم فى 6 مبادئ اساسية هنتلكم عن كل واحد فيهم بشكل تفصيلى شوية ونحاول نعرض امثله على كل واحد
“التشابه Similarity”
لما تبقى الاشياء مشابهه لبعضها البعض .. غالبا المشاهد بيشوف العناصر الفرديه كجزء من نمط او مجموعة وبيستخدم التاثير ده لابداع صورة او رسالة معينه من سلسلة من العناصر المختلفة.
والتشابه بين العناصر المختلفة يمكن أن يكون فى الشكل واللون والحجم والملمس أو القيمة كمان.كلما ازدادت حدة العناصر الفردية، زاد الشعور بالترابط بفضل التشابه. ويمكن التأكيد على عنصر معين لما يكون مختلف، ويكسر نمط التشابه. ويسمى هذا التأثير الشذوذ.
وفى الصورة بعض الامثلة على المبدا ده :
في صورة _ تمثال الحرية _ التصميم ده فيه من التشابه لأن العناصر الفردية اللي بتشكل التصميم لها نفس خصائص الشكل الأساسي وهو ” المثلت ”
وفى صورة المربعات .. يوجه الانتباه إلى العنصر المختلف في هذه التركيبة لأنه يكسر نمط التشابه
وبكده نبقى وضحنا وشرحنا مبدا ” التشابه – Similarity ” بشكل بسيط وسهل 😍😍
“Continuation الاستمرارية”
الاستمرارية هو المبدا الذى من خلاله تسير العين فى مسار معين ، سواء كان خط او منحنى .ويفضل للمشاهد انه يرى شكل متصل افضل من خطوط منفصلة .ويمكن استخدام هذا النقطة للإشارة إلى عنصر آخر في التكوين ، وينظر الى المكان حيث يتم قطع خط من خلال عنصر واحد اساسى ، وفى بعض الاحيان بتكون مناسبة لعنصر ثانوى .
امثله :
في صورة “space” فى هذا المثال يتم قيادة العين من خلال عنصر التصميم الأول نحو النجم الذي يقع فى نهاية المنحنى ويقطعه .
وفى صورة المثال الثانية.. يوجد 4 خطوط تتلاقى فى نقطه مركزية، ولكن نفضل ان نرى هذا الشكل على انه تقاطع خطين افضل من تلاقى 4 خطوط
وبكده نبقى وضحنا وشرحنا مبدا ” Continuation الاستمرارية ” بشكل بسيط وسهل.
“Closure الاغلاق”
الإغلاق هو تقنية تصميم شائعة تستخدم ميل العين البشرية لرؤية الأشكال المغلقة.
يعمل الإغلاق عندما يكون العنصر غير مكتمل أو المساحة الداخلية له غير مغلقة تماما ولكن المشاهد يدرك الشكل الكامل من خلال ملء المعلومات الناقصة بنفسه.وهذه التقنيه غالبا ما ترتبط بالاعمال الفنية ” Artwork ” وكذلك تستخدم بشكل كبير فى اعمال تصميم الشعارات والهوية
وفى رسمه الباندا التالية :
يستخدم شعار صندوق الحياة البرية العالمي مبدأ الإغلاق لوصف الباندا، على الرغم من أن الشكل ليست مغلق تماما.
وبكده نبقى وضحنا وشرحنا مبدا “Closure الاغلاق” بشكل بسيط وسهل.
يتبع …
جميع الصور بالمقال بتصرف ومن المصدر
كتابة: ايمن النجار Ayman Alnagar
