عمر باسم – Omar Bassem
انا اسمي عمر, 14 سنه, من الجيزه “مصر”، انا بدأت من سنتين على يد “Universe Studio”، التايبو في مصر مجال مش مفهوم للمعظم, وحقه مهدور، فيه كام واحد كدا محتلين التايبو في مصر، والجمهور مش معترفين بالباقي، الموضوع دا محبط لناس كتير، خصوصاً ان فيه ناس شغلها يستحق يبقى جمب الناس اللي بيقولو عليهم “اساتذه” دول، انا بوصل لـ دا دلوقتي، يمكن انا والحمد لله من الناس الوحيده اللي عرفت توصل للي انا فيه دا دلوقتي في السن الصغير دا والوقت القصير، فـ للناس اللي بتبدأ، فيه امل .. بدأت ازاي, انا اول بروجيكت انتجته في التايبو كان برعاية “Universe Studio” التيم دا وقف جمبي جداً ومازال، وكل شغلي بيطلع برعايته, احلامي، انا بلا احلام :””، انا مش مؤمن بفكرة ان شخص يحلم بحاجه، بحس أنها بتقلل من قدرته لتحقيقها ويبقي واقع ملموس، لإن في الأول والأخر “اللي عايز حاجه بيعملها” فـ ليه نحلم، احنا هنعرف نحقق في الوقت المناسب، السنه الأولى من شغلي كانت ممله، بمعنى مكانش فيه الحاجه اللي تخليك تحس ان شغلك حي، انا مكنتش حي، السنه التانيه، بقيت ببص لإحساسي في الشغل اكتر من انو شغلي، بقيت حاسس فعلاً بمشاعر، التغير دا إثر في شغلي جدا وحياتي، انا ممتن للي كان السبب في دا، انا نفسي في حاجات كتيره، بس اولهم اني ابقى كويس تاني، واعرف احس.. حابب في النهايه اشكر الناس اللي معايا ولسه مكمله، و حابب اشكر تيم يونيفرس ستوديو وسيف حمزه وسعود بالأخص لإنهم قدمولي كتير، و حابب اشكر ويڨرد، انا ممتن.
مرفق لكم بعض من اعمال
الفنان عمر باسم
