سيف احمد
سيف احمد من مصر “الجيز” تحديداً, 19 سنة. مجالي هو الـ “Illustration” شاركت في مسابقة Imagine cup العالمية التابعة لشركة مايكروسوفت سنة 2015 كنت مشارك مع فريق لصنع لعبة الكترونية شغال في شركة Dotdev حالياً كـ Illustrator و Graphic designer والشركة ادتلي دافع أكبر اني اثبت نفسي ودعمتني سواء بأدوات تساعدني او أشياء معنوية. بدأت في المجال ده من سنة 2013 بشكل جدي ولكن كنت بتعلم من قبلها, من سنة 2011 تقريباً وصلت لمستوايا بخبرة ذاتية فقط و اعتقد ده مخليني متميز لإني متحطتش في صندوق محدد, انا الي اخترت اكون هنا, حالياً بشوف ان مجالي هو شغلي هو شخصيتي, بقدر اعبر عن افكاري بشكل فني وان كل تصميم عملته كان وراه فكرة عميقة بتظهر من التفاصيل الصغيرة في كل تصميم تصميماتي الناس بتشوفها في اي مكان بتقول سيف الي عاملها من غير مايشوفوها عندي وده شئ أكدلي اني بعمل شئ كويس, لكن لحد دلوقتي موصلتش للمستوى الي انا محتاجه هدف وحلم ليا اني اسيب بصمتي في كل مكان في العالم لإن الفن الي بنقدمه هو الي بيفضل حي لو في فضل لشخص في الي بعمله فهو يرجع لأصدقائي الي دايماً بيشجعوني اني اكمل بمستوى احسن
مرفق لكم بعض من اعمال
الفنان سيف احمد
