احمد سرحان
انا احمد سرحان ، ١٦ سنه ، الصف الثانى الثانوى
م سنة تقريبا بدأت اشتغل على الفوتوشوب بالصدفه جدا بس حبيت الموضوع جدا وابتديت اشتغل عليه بإستمرار ومش بقدر استغنى عنه ، بعد تقريبا م حوالى ٦ شهور واكتر بشتغل على الفوتوشوب وطبعا على قدى جدا بدأت اتفرج على رسومات فيكتور كتير واحب الموضوع ولكن كنت مش عارف ادخب الخطوة دى منين بس قولت هخش فى الموضوع ، بدأت فيه من حوالى ٥ شهور او ونص او ٦ شهور بدأت اتفرج على فيديوهات كتير اولا اتفرجت عربى واتعلمت شوية وكانت برسم كتير جدا وبتحسن مع كل رسمة فى الاول مكنتش بقدر اطلع الرسمة شبه صاحبها ولكن بدات واحدة واحدة اتطور ، بعد م بدأت بحوالى شهر كده روحت كورس ديزين (فوتوشوب والليستريتور) ومكنتش بشتغل قبل كده خالص على الليستريتور وكان كل شغلى على الفوتوشوب ، بعدها بعدت فتره عن الرسم خالص وبعدها اتعلمت الليستريتور شوية وقولت اجرب اشتغل عليه فى الفيكتور وحبيت الموضوع وبدأت ارسم اكتر وبرضو وبدأ مستوايا يتطور مع كل فتره وساعات كتير ببقى ببعد عن الرسم وارجع اشتغل والحمدلله مع كل مره برجع اشتغل فيها بيبقى احسن ولسه بتعلم ولسه برضو بتفرج على تتوريال كتير وبتعلم منها ومش بمل ومش بزهق بعد م كنت فى الاول محبط وبزهق من الرسم الى مش كويس ومن كلام الناس الى مش بيخلص بس الحمدلله بحاول اطور نفسى على قد م اقدر وادينا بنتعلم ، نأسف لأنى طولت ولكن هو تقريبا الملخص ،، شكرا
مرفق لكم بعض من اعمال
الفنان احمد سرحان
