السلام عليكم.. بالنسبة لمنشور كيف تصبح مصمم عالمي؟ تابعوا معي للنهاية
عشان تصبح مصمم عالمي ناجح راح تحتاج تبذل جهد ووقت كبير.. وتحتاج تمشي على خطة مدروسة لتقدر تصنع نفسك.. راح أضع النقاط بالتدريج كل نقطة بمنشور.. وتحملوني شوي وكملو للآخر ^_^
التركيز: هو عزل الهدف أو الفكرة عن باقي الأهداف والأفكار الآخرى ليتم رؤيتها بشكل أوضح.. بكل بساطة لازمنا نركز على نقطة معينة.. انتا كمصمم لازم تهتم بجانب واحد بس.. مصمم شعارات مثلاً.. فلازم تعتزل كل ما يتعلق بالتصميم وتركز فقط على تصميم الشعارات.. ممكن تكون متعدد مواهب وعندك كتير أشياء انتا ناجح فيها بنظرك..
لانك لما تركز راح تكون قوي جداً بيلي ركزت فيه .. وراح تكون شهرتك أقوى بكثير.. بالنسبة للعالم والشركات يلي طلبتك انتا متخصص في مجالك.. فراح يدفعوا أكثر بحكم شهرتك وخبرتك في الأول.. خذ الوقت المناسب إلك.. من 4 أيام لأسبوع.. قيم ذاتك.. إمكانياتك.. وشو الإشي يلي ممكن تبدع فيه أكثر.. أنا شخصياً اخترت أكون مصمم شعارات.. بعد ما تقرر النقطة يلي راح تكونها.. جمع أعمال بعدد كبير جداً كصور.. جمع ما لا يقل عن 1000 عمل.. قسمهم لأنواع..
- مجلد للتصاميم العالمية الناجحة ويلي اندفعلها كتير (بداخلو مجلدين قديم + جديد)..
- مجلد للتصاميم الجميلة بنظرك وما اندفعلها (بداخلو مجلدين قديم + جديد)..
- ومجلد للأشياء العادية الغير ملفتة..
وتوزيعك للمجلدات قديم وجديد راح يساعدك تفهم كيف تطورت الرؤية…. طبعاً بتقدر تعمل بحث وتلاقي… هيك بحث راح يوخد معك اسبوع تاني بعد ما ركزت على هدفك ..شو حتساوي فيهم بعد الترتيب ؟ راح تشاهدهم عمل عمل… من دون ما تصمم ولا تنفذ أي فكرة… فقط شاهد… راح تغذي بصرك بشكل جيد… وحاول تكون شاهدتهم بالترتيب… القديم الغير جميل… للقديم الجميل.. للقديم السعرو غالي .. وهكذا بعدو الحديث… وحاول افهم الفكرة.. الفكرة يلي انبنى عليها التصميم وليش ممكن اندفع سعر معين في التصميم.. ونصيحة مهمة… ما تستعجل.. وما تماطل.. خلي الأمور توخد وقتها الطبيعي..
بالمرحلة هاي ويلي راح تكون لمدة ثلاثة أسابيع راح تكون حددت الهدف الأساسي.. وجمعت تقريباً كل ما يتعلق بالموضوع يلي انتا مركز عليه… وبدأت بالتغذية البصرية وتشبعت نوعاً ما
يلي عندو أي سؤال عملي بهيك موضوع فأنا جاهز .. ويلي حابب أعطيلوا
#التركيز 1 #كيف_تصبح_مصمم_ناجح
