كتاب من اروع الكتب خصوصا ان الكاتب (جاك فوستر ) يعمل ف نفس مجالنا، مجال الدعايه والاعلان وانصح الكل بقراءته والكاتب بداء الكتاب بانه عاوز يوصل لينا معنى وتعريف للفكره قبل ما نعرف ازى نحصل عليها وشبه الموضوع زى طفل قبل ما نعلمه الطرح والجمع لازم نعرفه الارقام وبدا يسال اصدقائه ف المجال عن تعريف للفكره.
قسم الكتاب 10 فصول علشان عقلك يبقى مؤهل لاكتشاف افكار:
1.الهزار | 2. خليك طفل | 3. خليك متفتح للفكره | 4. تصور النجاح | 5. افرح لو فشلت | 6. خلى عندك مدخلات كتيرررر | 7. خليك شجاع | 8. خليك فى اتجاه الريح | 9. فكر بطريقه تفكيرك | 10. تعلم ازى تدمج الاشياء
4- تصور النجاح
بداء الكاتب (جاك فوستر) بافتراض ان هناك لوح من الحديدىعريض وطويل وحطينا لوح الحديد ده على سطح بين مبنايين عالين وطلب منا نعدى عليه هياخد 5000جنيه مثلا وطبعا اغلبنا هيرفض لانه هيقول ممكن افقد توازنى واقع و5000بتوعك دول مش هينفعونى و الافتراض التانى ان لو خطفنا ابنك وابنك على واحد من الاسطح وطلبنا منك تعدى على اللوح او هنرمى ابنك فى الغالب هتعدى بسهوله فالاختلاف بين الموقفين مختلفتين بالرم انه نفس اللوح ونفس المبنى ونفس المسافه ووضح التفسر للموضوع ده
- اول افتراض هدفك كان هو عدم السقوط (كيف سوف احافظ على توازنى ازى ما ابسطش لتحت)
- تانى افتراض هدفه هو انقاذ الطفل فهتمر بسهوله
وده اللى بيحصل مع عقلنا لو هيانا عقلك هدف الحصول على افكار فعقلك هيكتشف الطريقه للحصول عليها لو كنت عاوز تحصل على افكار تخيل انك حصلت عليها ما تتخيلش انك هتحصلت عليها وتخيل الناس بتفكر فى الفكره وفى ابداعك
5- افرح بالفشل
هنا بقى الكاتب بيتكلم عن فكره الفشل و الافكار السخيفه على انها لازم تخليها صديقك المقرب و الواحد ما يخفش من الفشل او تحاول تخبيها لا تقبلها باريحيه لانه بيدل على انك حاولت بشكل جيد خلى عقلك يتجول فى التفاهات فى الاماكن الخطيره/ الحمقات /المستحيل ادهش اصدقاء احرج معلمك تجاهل القوانين والمنطق والعلوم انت مش هتعرف انك نحجت الااذا فشلت بمعنى انك مش هتعرف ان الفكره حلوه ولا وحشة الا لما تقاررنها بافكار اخرى وعلشان كدة فى اغلب الوكلات الدعايه يطلعوا اكتر من فكره لنفس المشروع ويقارنوا بينها علشان كده لازم نعمل نفس الكلام لما تتوصل لفكره اركنها على جنب وابحث عن فكره تانيه
وبينصح الكاتب انك تحط لمسه ايجابيه على الحاجه لما ما تنجحش مش لما تفشل نفس منطق ايدسون قال (انا اكتشفت 10.000 طريقه لا تنير المصباح)
الفشل يخليك جريئ يحررك الفشل هو مصدر الابداع اى حد نفسه يصبح مبدع يفشل كتير اكتر يطلع افكار فاشلها اكتر محدش يقدر يلومك على كتر افكارك
الشخص الذى فشل يعرف ان الفشل ليس دائما و غالبا الشخص اللى ما فشلش كتير بالنسباله الفشل كارثه وانهم يعرفوا انها النهايه وبيقول ان فى وكاله ناسا بيختاروا رواد الفضاء الاكثر فشلا لان ممكن يحدث حاجات غير متوقعه زم تمشيش زى ما الخطه محطوطه محتاجين حد بيسطر على نفسه فى الظروف الصعبه
علشان كده ما تخفش ولا تتكسف من الفكره الفشله وافتخر بيها واستمتع بيها
كتابة وإعداد سراج باسل
