كتاب من اروع الكتب خصوصا ان الكاتب (جاك فوستر ) يعمل ف نفس مجالنا، مجال الدعايه والاعلان وانصح الكل بقراءته والكاتب بداء الكتاب بانه عاوز يوصل لينا معنى وتعريف للفكره قبل ما نعرف ازى نحصل عليها وشبه الموضوع زى طفل قبل ما نعلمه الطرح والجمع لازم نعرفه الارقام وبدا يسال اصدقائه ف المجال عن تعريف للفكره.
قسم الكتاب 10 فصول علشان عقلك يبقى مؤهل لاكتشاف افكار:
- الهزار
- خليك طفل
- خليك متفتح للفكره
- تصور النجاح
- افرح لو فشلت
- خلى عندك مدخلات كتيرررر
- خليك شجاع
- خليك فى اتجاه الريح
- فكر بطريقه تفكيرك
- تعلم ازى تدمج الاشياء
كن كالطفل
نجى لتانى حاجه علشان يبقى عقلك مؤهل انه يستخرج افكار انك تكون طفل وبوصف الكاتب ان العبقريه هى الطفوله اللى بنستعيها عن الحاجه وان الطفل اللى جواك هو المبدع ومش الشخص الراشد, لان الشخص الراشد جواك لابس بدله وحذام وكرفات بيبص فى الاتجاهان قبل ما يعدى الطريق.
اما الطفل بيخرج حافى فى وسط المطر ويجرى فى الشارع الراشد بيضرب الكره فى اتجاه الملعب الطفل بيضربها بقوه بره الملعب عادى خالص الراشد مش بيلعب فى الحديقه الطفل بيتهبل هناك الراشد بيزهق من فعل الاشياء الاطفال لا يملون كل مره كانها اول مره فالشخصيه الراشده اللى جوه كل واحد فينا عندها كتير من القيود والعراقيل والقوانين والمعرفه والقواعد والافتراضات والتصورات المسبقه باختصار الشخص الراشد شخص مزعج مقيد اما الطفل فهو حر منطلق برى حر اكتر الاشخاص ابداع هما اللى تحرروا من الراشد الللى جواهم وسابوا الطفل يتحرك برحته مين فينا وهو طفل ما اخترعش حاجه اولعبه معينه مين فينا وهو صغير ما كسرش لعبته علشان يعرف اوى بتشتغل اعظم اختراع هو عقل الطفل.
الطفل معدهوش المعوقات اللى عندنا علشان كده بيبحثوا عن طرق جديده بيكسروا القواعد لانهم اصلا ما يعرفوش ان فيه قواعد اصلا بيعملوا حاجات تخلى الاباء قلقنين بينطوا فى المركب وبيهزوه بيسرخوا فى المكتبه عادى بيلغبوا بالعبريت والكهربه بيرنوا الجرس ويجروا بيرسموا الشجره باللون الموف والاعشاب اورنج عادى معندهمش قواعد بيسالوا بدون توقف ليه القمر مدور ليه الميه زرقاء احنا ازى جينا مين ربنا امتى نزلنا الاطفال بيدخلوا المدرسه علامه استفهام وبيخروجوا نقطه.
اتعلم منهم انك تسال كتير وعن اى حاجه هو ليه فى المهرجانات بيستخدموا سجاده حمراء هو ليه ميه البحر مالحه هو ليه التلاجه شكلها كده هو ليه حنفيه الميه من فوق ليه ما يعملوهاش بدواسه من تحت هو ليه المنتج ده علبته كده هو ليه العجله اعظم اختراع ويقولك انت مش بتخترع العجله هو ليه فتحت البنزين فى العربيات من جه وحده.
كل واحد لينا له صوره عقليه عن نفسه انت عندك كام سنه الكاتب بيقول بيسال واحد من اكتر المبدعين اللي يعرفهم بيساله انت عندك كام سنه قله 7 سنين.
لما يبقى عندك مشكله او عاوز توصل الفكره اسال نفسك لو كان عمره 6 سنوات كنت هتفكر ازى انسى كل القواعد واكسرها كن غبى فى عيون الناس.
هنكمل باقى اجزاء الكتاب فى مقالات اللى جيه
كتابة وإعداد سراج باسل
